^Back To Top

foto1 foto2 foto3 foto4 foto5

Ende September war es wieder so weit und die alljährliche DTV Reise stand auf dem Programm. Am 22./23. September wusste niemand ausser den beiden Organisatorinnen wohin es gehen wird. Wer etwas unterhaltsames im Prättigauerdialekt lesen möchte, sollte unbedingt weiterlesen. ;-)

 

 

Am Samstig Morget am 22. September am Morget am 8i hemmer ünsch am Bahnhof z Grüsch versammlet und z Rätslä um da Zielort isch bereits losganga. Mit dem Zug simmer zerscht uf Landquart gfahrä und denn uf d SBB uf Züri umgstiga. Schlussendli simmer aber gä Luzärn gfahrä. Zum Ziitvertrieb hämmer duä Spili gspillt. Die eintä mit meh und die andärä mit weniger Erfolg. Da niämert Spielfigurä drbi ka het, hämmer improvisiärt und Fitzerrölläli benutzt. Im Zug simmer de no in Gruppä iteilt cho und händ der erst Gruppäuftrag übercho. Z Ziel vo dem isch gsi bis am Sunntigmittag z lustigstä, schregstä und komistä Bild vor Gruppä z machä. Z Luzern acho simmer uf z Schiff umgstiga und in richtig Beckenried gfahrä. Gmeint hämmer miär fahrendi 15 Minutä. Schlussendli sinds duä aber 1h 15min gsi und miär händ spontan ufem Bodä vom Schiff ä Apero verastaltet. Womer z’Beckäried am Zmittag ässa gsi sind, hämmer grad no erfahra, dasses en Alpabzug git. Also simmer an dä Strassärand gstandä und händ nä wellä in Empfang näh. Leider simmer de biz enttoschä gsi wills nu ättä 20 Chüä gsi sind. Duä isch z‘ Programm wietergangä und z erstä Gruppäspiel isch agstandä. Miär händ müässä ä Biärfläschä wo mer vorchär bim Z`Mittag gätruchä händ ufem Handrügg vo Schwiizerfändli zu Schwiizerfändli balancierä. Das isch gär ni so eifach gsi. Nachem Spiel und emä churzä Fuässmarsch simmer mim Gondäli ufd Klewnenalp und dört hed scho z negstä Spieli gwartet. Miär händ müässä es Zahnbürstäli vo Bächer zu Bächer trägä aber äbä mimä Meter. Die eintä wieder mit meh und die andärä wieder weniger Erfolg. Derna simmer de über dä Bluämäwäg zu ünschärä Unterkunft gloffä. Wo den di Tanja und d Anja au bir Unterkunft Tannibüel igätroffä sind heds z`Nacht gäh. Mit viel Fleisch und Bilaga hemer es eimaligs Ässa serviart bercho. Tatarähuät hets gheissä un isch uuh guät gsi. Nachem Znacht hets de ä Quizrundi über ünschä Verein gä wo ni ganz eso eifach gsi isch. Da hettimä dia Statutä besser nomal düragläsa..  Dr Rest vom Abed hämmer mit Bullshit spilla, Wehrwölflä und mit Amaretto trinka verbrungä. Nachem Zmorget am negschtä Tag isch mit Froschhüpfa scho di negst Challenge agstandä. Während dem mer zrug zur Bärgstation gloffa sind hämmer no es churzes Fotoshooting gmachet und SRF 3 Spiel gspillt. Di Ziitlimita vo dä schregschtä und witzigschtä Gruppafötali isch dua au erreicht gsi. Somit simmer zur Rangverkündigung cho. Ufem abwäg ir Gondlä hemmer no alli Lüt unterhalta mit dem Pantomimaspiel. Vo Nassrasur bis Wörter wo mä gär ni gwüsst het wases isch, isch alles derbi gsi. Uf em Heiwäg hämmer no ünschi reserviärte Plätz verteidigä müässä, sus isch d Heireis aber ruahig abgloffä. Am 15:54 simmer duä wieder z gsund und munter ufem Bahnhof z‘Grüsch acho.

 

Das Video der DTV Reise gibts auf unserer Facebookseite Damentunverein Grüsch! Ein Blick darauf lohnt sich! ;-)

Die drei Gruppenbilder wollen wir Euch allerdings nicht vorenthalten: